ಬೆಳ್ತಂಗಡಿ: ಸೋಮಾವತಿ ನದಿಗೆ ವಿಷ ಹಾಕಿದ ಕಿಡಿಗೇಡಿಗಳು ಸಾವಿರಾರು ಮೀನುಗಳ ಮಾರಣಹೋಮ.

ಬೆಳ್ತಂಗಡಿ : ತಾಲೂಕಿನ ಕುಡಿಯುವ ನೀರಿನ ಪ್ರಮುಖ ಆಸರೆಯಾಗಿರುವ ಸೋಮಾವತಿ ನದಿಯಲ್ಲಿ ವಿಷಪೂರಿತ ರಾಸಾಯನಿಕವನ್ನು ದುಷ್ಕರ್ಮಿಗಳು ಎಪ್ರಿಲ್ 27 ಗುರುವಾರ ಸುರಿದಿದ್ದರಿಂದ ಸಾವಿರಾರು ಮೀನುಗಳು ಸತ್ತಿವೆ.

ನೀರು ಸರಬರಾಜು ಘಟಕದಲ್ಲಿ ಕೆಲಸ ಮಾಡುತ್ತಿರುವ ಫ್ರಾನ್ಸಿಸ್ ಎಂಬ ಉದ್ಯೋಗಿ ಗುರುವಾರ ಬೆಳಗ್ಗೆ ಕೆಲಸಕ್ಕೆ ಬಂದಾಗ ಘಟನೆ ಬೆಳಕಿಗೆ ಬಂದಿದೆ.

ಫ್ರಾನ್ಸಿಸ್ ಅವರು ತಕ್ಷಣ ಪಂಚಾಯತ್ ಮುಖ್ಯ ಅಧಿಕಾರಿ ಮತ್ತು ಇಂಜಿನಿಯರ್ ಅವರ ಗಮನಕ್ಕೆ ತಂದರು ಮತ್ತು ನದಿಯಿಂದ ನೀರು ಪಂಪ್ ಮಾಡುವುದನ್ನು ನಿಲ್ಲಿಸಿದರು.

ಈ ಸಂಬಂಧ ಮುಖ್ಯ ಪಂಚಾಯತ್ ಅಧಿಕಾರಿ ನಟರಾಜ್ ಅವರು ಬೆಳ್ತಂಗಡಿ ಪೊಲೀಸ್ ಠಾಣೆ ಹಾಗೂ ಜಿಲ್ಲಾಧಿಕಾರಿಗೆ ದೂರು ನೀಡಿದ್ದಾರೆ.

ಮೂರು ವರ್ಷಗಳ ಹಿಂದೆ ಇದೇ ಜಾಗದಲ್ಲಿ ಕೆಲ ಕಿಡಿಗೇಡಿಗಳು ವಿಷಕಾರಿ ರಾಸಾಯನಿಕಗಳನ್ನು ಹಾಕಿದ್ದರಿಂದ ಸಾವಿರಾರು ಮೀನುಗಳು ಸಾವನ್ನಪ್ಪಿದ್ದವು.