ಬೆಂಗಳೂರು : ಗೋಹತ್ಯೆ ವಿರೋಧಿ ಕಾನೂನು ಎಂದು ಕರೆಯಲಾಗುವ ಕರ್ನಾಟಕ ಹತ್ಯೆ ತಡೆ ಮತ್ತು ಜಾನುವಾರು ಸಂರಕ್ಷಣೆ ಕಾಯ್ದೆಯನ್ನು ಹಿಂಪಡೆಯುವಂತೆ ಕಾಂಗ್ರೆಸ್ ಪಕ್ಷದ ಸಂಪರ್ಕ ವಿಭಾಗದ ಮುಖ್ಯಸ್ಥ ಪ್ರಿಯಾಂಕ್ ಖರ್ಗೆ ಒತ್ತಾಯಿಸಿದ್ದಾರ.
“ಕಾನೂನು ಕ್ರಾಂತಿಕಾರಿ ಎಂದು ಶ್ಲಾಘಿಸಲಾಗಿದೆ. ಆದರೆ, ಇದು ರಾಜ್ಯ, ರೈತರು, ಕಾರ್ಮಿಕರು ಮತ್ತು ಉದ್ಯಮಕ್ಕೆ ಸಹಾಯ ಮಾಡಿದೆಯೇ? ಗೋಹತ್ಯೆ ನಿಷೇಧ ಕಾನೂನು ರೈತರು, ಚರ್ಮೋದ್ಯಮ ಕಾರ್ಮಿಕರು ಮತ್ತು ರಾಜ್ಯದ ಆರ್ಥಿಕತೆಗೆ ದೊಡ್ಡ ಹೊಡೆತವನ್ನು ನೀಡಿದೆ,” ಎಂದು ಖರ್ಗೆ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.
“ರಾಜ್ಯದ ಆರ್ಥಿಕ ಸಮೀಕ್ಷೆಯ ಪ್ರಕಾರ, ಕರ್ನಾಟಕದ ಚರ್ಮದ ರಫ್ತು 2017-18 ರಲ್ಲಿ 521.81 ಕೋಟಿ ರೂ., 2018-19 ರಲ್ಲಿ 562 ಕೋಟಿ ಮತ್ತು 2019-20 ರಲ್ಲಿ 502 ಕೋಟಿ ರೂ., 2020-21 ರಲ್ಲಿ 160.84 ಕೋಟಿ ರೂ.ಗೆ ಕುಸಿದಿದೆ”. ಅವರು ಹೇಳಿದರು. “ರಾಜ್ಯದಲ್ಲಿ 91 ಚರ್ಮದ ಘಟಕಗಳಿವೆ .
ಗೋಹತ್ಯೆ ತಡೆ ಕಾನೂನನ್ನು ಜಾರಿಗೆ ತರುವ ಬಗ್ಗೆ ಹಣಕಾಸು ಇಲಾಖೆ ಎಚ್ಚರಿಕೆಯನ್ನು ಬಿಜೆಪಿ ಸರ್ಕಾರ ನಿರ್ಲಕ್ಷಿಸಿದೆ ಎಂದು ಖರ್ಗೆ ಹೇಳಿದರು. ಕರ್ನಾಟಕಕ್ಕೆ ನಾಲ್ಕು ವರ್ಷಗಳಲ್ಲಿ ಕಾನೂನನ್ನು ಜಾರಿಗೆ ತರಲು 5,240.18 ಕೋಟಿ ರೂಪಾಯಿ ಬೇಕಾಗುತ್ತದೆ ಎಂದು ಹಣಕಾಸು ಇಲಾಖೆ ತಿಳಿಸಿದೆ.
“ಈ ವೆಚ್ಚವನ್ನು ಭರಿಸಲಾಗದ ಸರಕಾರವು ಗೋವುಗಳ ದತ್ತು ಪಡೆಯಲು ಪುಣ್ಯಕೋಟಿ ಯೋಜನೆಯನ್ನು ಪ್ರಾರಂಭಿಸಿತು. ಇಲ್ಲಿಯವರೆಗೆ, 177 ಗೋಶಾಲೆಗಳಲ್ಲಿ ಆಶ್ರಯ ಪಡೆದಿರುವ 21,207 ಗೋವುಗಳಲ್ಲಿ 151 ಮಾತ್ರ ದತ್ತು ನೀಡಲಾಗಿದೆ. ಮತ್ತು 177 ಗೋಶಾಲೆಗಳಲ್ಲಿ ಕೇವಲ ಮೂರು ಮಾತ್ರ ಸರ್ಕಾರದಿಂದ ನಡೆಸಲ್ಪಡುತ್ತವೆ.
