ನವದೆಹಲಿ : ದೇಶದ ಹಾಗೂ ವಿಶ್ವದ ಅಗ್ರ ಶ್ರೀಮಂತರಲ್ಲಿ ಒಬ್ಬರಾದ, ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಧ್ಯಕ್ಷರಾದ ಮುಖೇಶ್ ಅಂಬಾನಿ ಈ ವಾರದಲ್ಲಿ ತೀವ್ರ ಆರ್ಥಿಕ ಹಿನ್ನಡೆ ಅನುಭವಿಸಿದ್ದಾರೆ. ರಿಲಯನ್ಸ್ ಉದ್ಯಮ ಸಮೂಹಗಳಲ್ಲಿ ಪ್ರಮುಖ ಕಂಪನಿಯಾದ, ಭಾರತದ ಅತ್ಯಂತ ಮೌಲ್ಯಯುತ ಸಂಸ್ಥೆ ರಿಲಯನ್ಸ್ ಇಂಡಸ್ಟ್ರೀಸ್ನ ಷೇರು ಬೆಲೆಯಲ್ಲಿ ತೀವ್ರ ಕುಸಿತವನ್ನು ಕಂಡಿದ್ದು, ಇದರ ಪರಿಣಾಮವಾಗಿ ಮಾರುಕಟ್ಟೆ ಬಂಡವಾಳೀಕರಣದ ಗಣನೀಯ ನಷ್ಟವಾಗಿದೆ.
ಸೆನ್ಸೆಕ್ಸ್ 703.95 ಪಾಯಿಂಟ್ಗಳಿಗೆ ಅಥವಾ ಶೇಕಡಾ 0.85 ಕ್ಕೆ ಕುಸಿದು 81,793.16ನಲ್ಲಿ ನೆಲೆಸಿದಾಗ ಭಾರತೀಯ ಷೇರು ಮಾರುಕಟ್ಟೆಯು ಈ ವಾರ ಪ್ರಕ್ಷುಬ್ಧತೆಯನ್ನು ಗಮನಿಸಿದರೆ, ನಿಫ್ಟಿ 200.25 ಪಾಯಿಂಟ್ಗಳು ಅಥವಾ ಶೇಕಡಾ 0.79 ರಷ್ಟು ಕುಸಿದು ಶುಕ್ರವಾರ 25,049.85ಕ್ಕೆ ಕೊನೆಗೊಂಡಿತು. ಕೇವಲ ನಾಲ್ಕು ವಹಿವಾಟಿನ ದಿನಗಳಲ್ಲಿ, ಮುಖೇಶ್ ಅಂಬಾನಿ ಅವರ ಕಂಪನಿಯು 13,20,00,00,00,000 ರೂ. ಕಳೆದುಕೊಂಡ ನಂತರ ಮುಖೇಶ್ ಅಂಬಾನಿ ಅವರಿಗೆ ಇದು ದೊಡ್ಡ ಆರ್ಥಿಕ ಹಿನ್ನಡೆಯಾಗಿದೆ.
132,000 ಕೋಟಿ ರೂ. ಬೃಹತ್ ಕುಸಿತದಿಂದ ಅಕ್ಟೋಬರ್ 4ರ ಹೊತ್ತಿಗೆ ಕಂಪನಿಯ ಮಾರುಕಟ್ಟೆ ಬಂಡವಾಳವು 18.76 ಲಕ್ಷ ಕೋಟಿ ರೂಪಾಯಿಗೆ ಇಳಿಯುವಂತೆ ಮಾಡಿದೆ. ಅಂದರೆ ರಿಲಯನ್ಸ್ನ ಮೌಲ್ಯವು ಕೆಲವೇ ದಿನಗಳ ಹಿಂದೆ ಇದ್ದ 20 ಲಕ್ಷ ಕೋಟಿ ರೂಪಾಯಿಗಿಂತ ಕಡಿಮೆಯಾಗಿದೆ . ಶುಕ್ರವಾರವಷ್ಟೇ ಕಂಪನಿಯ ಷೇರಿನ ಬೆಲೆ ರೂ.42.45ರಷ್ಟು (ಶೇ.1.51) ಕುಸಿದಿದೆ. ಈ ವಾರ, ಸೆನ್ಸೆಕ್ಸ್ ಮತ್ತು ನಿಫ್ಟಿ ಸೂಚ್ಯಂಕಗಳು ಗಮನಾರ್ಹ ಕುಸಿತವನ್ನು ಅನುಭವಿಸಿದೆ. ಮಾರುಕಟ್ಟೆಯ ಕುಸಿತವು ಪ್ರಾಥಮಿಕವಾಗಿ ಮಧ್ಯಪ್ರಾಚ್ಯದ ದೇಶದಲ್ಲಿ ನಡೆಯುತ್ತಿರುವ ಯುದ್ದ ಉದ್ನಿಗ್ವತೆಗಳು, ಏರಿಕೆಯಾಗುತ್ತಿರುವ ತೈಲ ಬೆಲೆಗಳು, ಅದರ ದರ ನೀತಿಗಳೊಂದಿಗೆ ಚೀನಾದ ಆರ್ಥಿಕತೆ ತೆರೆಯುವುದು, ನಿರಂತರ ವಿದೇಶಿ ಬಂಡವಾಳದ ಹೊರಹರಿವು ,ಭೌಗೋಳಿಕ ರಾಜಕೀಯ ಅನಿಶ್ಚಿತತೆ ಇತ್ಯಾದಿಗಳು ಕಾರಣವಾಗಿದೆ ಎಂದು ಮಾರುಕಟ್ಟೆ ತಜ್ಞರು ಅಂದಾಜಿಸಿದ್ದಾರೆ.
ರಿಲಯನ್ಸ್ ಇಂಡಸ್ಟ್ರೀಸ್ ಇತ್ತೀಚಗೆ ಸಲ್ಲಿಸಿದ ರಿಪೋರ್ಟ್ ಪ್ರಕಾರ, ಕಂಪನಿಯು 2025 ರ ಹಣಕಾಸಿನ ವರ್ಷದ ಮೊದಲ ತ್ರೈಮಾಸಿಕ(Q1 FY25 )ಕ್ಕೆ ರೂ.2,31,784 ಕೋಟಿಗಳ ನಿವ್ವಳ ಮಾರಾಟವನ್ನು ವರದಿ ಮಾಡಿದೆ, ಇದು 2024 ರ ಹಣಕಾಸಿನ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ರೂ.2,07,559 ಕೋಟಿಗಳಿಂದ 12 ಪ್ರತಿಶತ ಹೆಚ್ಚಳವಾಗಿದೆ. ಆದರೂ ಕಂಪನಿಯ ನಿವ್ವಳ ಲಾಭವು Q1 FY25 ರಲ್ಲಿ 17,445 ಕೋಟಿ ರೂ.ಗೆ 4.5 ಶೇಕಡಾ ಕಡಿಮೆಯಾಗಿದೆ, Q1 FY24 ರಲ್ಲಿ 18,258 ಕೋಟಿ ರೂ. ಆಗಿತ್ತು.
