ವಾಷಿಂಗ್ಟನ್ : ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಕಳೆದ ಒಂದು ವರ್ಷದಲ್ಲಿ ಕ್ರಿಪ್ಟೋ ಕರೆನ್ಸಿ ಹೂಡಿಕೆ ಮತ್ತು ಸಂಬಂಧಿತ ವ್ಯವಹಾರಗಳಿಂದ ಭಾರೀ ಆದಾಯ ಗಳಿಸಿರುವುದು ಅವರ ಕಡ್ಡಾಯ ಹಣಕಾಸು ಬಹಿರಂಗಪಡಿಸುವಿಕೆ (Financial Disclosure Report) ಮೂಲಕ ಬಹಿರಂಗವಾಗಿದೆ.
2025ರ ಹಣಕಾಸು ವರದಿಯ ಪ್ರಕಾರ, ಟ್ರಂಪ್ ಕ್ರಿಪ್ಟೋ ವ್ಯವಹಾರಗಳಿಂದ ಸುಮಾರು 1 ಬಿಲಿಯನ್ ಡಾಲರ್ (ಅಂದಾಜು ₹9,500 ಕೋಟಿ) ಆದಾಯ ಗಳಿಸಿದ್ದಾರೆ.
ಇದಲ್ಲದೆ, ರಾಯಲ್ಟಿ (Royalty) ಮೂಲಕ 635 ಮಿಲಿಯನ್ ಡಾಲರ್ (ಅಂದಾಜು ₹6,000 ಕೋಟಿ) ಆದಾಯ ಪಡೆದಿರುವುದಾಗಿ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಅದೇ ವರದಿಯಲ್ಲಿ, ‘World Liberty Financial’ ಎಂಬ ಕ್ರಿಪ್ಟೋ ಸಂಸ್ಥೆಯಿಂದ 500 ಮಿಲಿಯನ್ ಡಾಲರ್ (ಸುಮಾರು ₹4,750 ಕೋಟಿ) ಆದಾಯ ಗಳಿಸಿರುವುದಾಗಿಯೂ ಟ್ರಂಪ್ ತಿಳಿಸಿದ್ದಾರೆ.
ಟ್ರಂಪ್ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳುವ ಮುನ್ನ ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಏರಿಳಿತಗಳಿದ್ದರೂ, ಅವರ ಹೂಡಿಕೆಗಳು ಗಣನೀಯ ಲಾಭ ತಂದುಕೊಟ್ಟಿವೆ ಎಂದು ಹಣಕಾಸು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
