ಮಂಗಳೂರು : ನವರಾತ್ರಿ ವೇಷದ ರೂಪದಲ್ಲಿ ಬಂದ ರೇಣುಕಾಸ್ವಾಮಿ ಪ್ರೇತಾತ್ಮ, ವಿಡಿಯೋ ವೈರಲ್..!

ಮಂಗಳೂರು : ಪ್ರತಿ ವರ್ಷ ಒಂದೊಂದು ವಿಶೇಷ ವೇಷದ ಮೂಲಕ ಮನೆ ಮನೆಗೆ ತೆರಳಿ ಪ್ರದರ್ಶಿಸುವ ಈ ಇಬ್ಬರು ಕರಾವಳಿ ಭಾಗದಲ್ಲಿ ಮನೆಮಾತಾಗಿದ್ದಾರೆ. ನವರಾತ್ರಿಯಲ್ಲಿ ನಾನಾ ವೇಷಗಳು ಜನರನ್ನು ರಂಜಿಸುವ ಮೂಲಕ ನವರಾತ್ರಿಗೆ ವಿಶೇಷ ಮೆರುಗು ನೀಡುತ್ತದೆ. ಹುಲಿ ವೇಷದ ಗಂಭೀರ ಹೆಜ್ಜೆ, ಸಿಂಹ ವೇಷದ ವೇಗದ ಕುಣಿತ ಇದೆಲ್ಲದರ ನಡುವೆ ಸಣ್ಣಪುಟ್ಟ ವೇಷಗಳು ಗಮನ ಸೆಳೆಯುತ್ತದೆ. ಅಂತಹ ಸಣ್ಣ ವೇಷವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡಿದೆ. ಆ ವೇಷಗಳನ್ನು ನೋಡಿದ ಜನರು ಕೂಡಾ ಹೊಟ್ಟೆ ಹುಣ್ಣಾಗುವಂತೆ ನಗುತ್ತಿದ್ದಾರೆ. ಯವನ ವೇಷದಾರಿಯೊಬ್ಬ ಪ್ರೇತವೊಂದನ್ನು ಎಳೆದೊಯ್ಯುತ್ತಾ ಕೆಲವೊಂದು ಡೈಲಾಗ್ ಹೇಳುತ್ತಿದ್ದಾರೆ.

ಇದು ರಾಜ್ಯದಲ್ಲಿ ಬಹು ಸುದ್ದಿಯಾಗಿದ್ದ ನಟ ದರ್ಶನ್‌ನಿಂದ ಹತ್ಯೆಯಾದ ರೇಣುಕಾಸ್ವಾಮಿಯ ಪ್ರೇತಾತ್ಮ ಎಂದು ಹೇಳುವ ಯಮನ ಈ ಡೈಲಾಗ್ ಜನರಿಗೆ ನಗು ತರಿಸುತ್ತಿದೆ. ಹಿಂಸಾತ್ಮಕವಾಗಿ ಹತ್ಯೆಯಾದ ರೇಣುಕಾಸ್ವಾಮಿ ಬಗ್ಗೆಯೂ ಯಮ ವೇಷದಾರಿಯ ಡೈಲಾಗ್ ಸಕತ್ ಮಜಾ ನೀಡುತ್ತಿದೆ. ರಾಜ್ಯದಲ್ಲಿ ನಡೆದ ಘೋರ ಘಟನೆಯೊಂದನ್ನು ಇಟ್ಟುಕೊಂಡು ಬಡ ಕಲಾವಿದರು ಮಾಡಿರೊ ಈ ವೇಷವನ್ನು ಜನರೂ ಮೆಚ್ಚಿಕೊಂಡಿದ್ದಾರೆ

https://youtube.com/watch?v=1dWru6f3LyE%3Fsi%3Dj_z9tduKWWzbt_vZ