ಮೇಷ ರಾಶಿ
ಲಾಭಸ್ಥಾನದಲ್ಲಿ ಶನಿ ಸೂರ್ಯ ಬುಧ ಅಪಾರ ಧನಲಾಭ ಕೊಡುತ್ತಾರೆ. ಕೇಂದ್ರ ತ್ರಿಕೋಣಾಧಿಪತಿ ಯೋಗದಿಂದ ಲಾಭ ಸ್ಥಾನದಲ್ಲಿ ಆಗಿರುವುದರಿಂದ ಧನಲಾಭ ಯಶಸ್ಸು ಇದೆ. ಕೆಲಸ ಕಾರ್ಯಗಳಲ್ಲಿ ಜಯ, ಅಡೆತಡೆಗಳನ್ನು ಮುರಿದು ಮುಂದಕ್ಕೆ ಸಾಗುವ ಸಾಹಸ ಇರುತ್ತದೆ. ವೃತ್ತಿ ಸ್ಥಾನದಲ್ಲಿ ಉಚ್ಛ ಕುಜ ಹಾಗೂ ಶುಕ್ರ ಇಬ್ಬರೂ ನಿಮಗೆ ವೃತ್ತಿಯಲ್ಲಿ ಏಳ್ಗೆಯನ್ನು ಕೊಡುತ್ತಾರೆ. ಕೊಂಚ ಅಪವಾದ ಎದುರಿಸಬೇಕಾದೀತು ಜಾಗ್ರತೆಯಿಂದ ಇರಿ.
ವೃಷಭ ರಾಶಿ
ಒಂಬತ್ತನೇ ಮನೆಯಲ್ಲಿ ಕುಜ ಶುಕ್ರ ನಿಮಗೆ ಪ್ರೇಮ ಪ್ರಣಯದ ವಿಚಾರದಲ್ಲಿ ಮನಸ್ಸಿಗೆ ಹಿತವನ್ನು ಕೊಡುತ್ತಾರೆ. ಮನಸ್ಸಿಗೆ ಖುಷಿಯಾಗುವ ಪ್ರಸಂಗಗಳು ನಡೆಯುತ್ತದೆ. ಹತ್ತನೇ ಮನೆಯಲ್ಲಿ ಸೂರ್ಯ ಬುಧ ಶನಿ ಸೇರಿ ಕೇಂದ್ರ ತ್ರಿಕೋಣಾಧಿಪತಿ ಯೋಗವಾಗಿದೆ. ಇದು ನಿಮಗೆ ವೃತ್ತಿಯಲ್ಲಿ ಯಶಸ್ಸು ಒಳ್ಳೆಯ ಪ್ರಶಂಸೆಯನ್ನು ಕೊಡುತ್ತದೆ. ಲಾಭ ಸ್ಥಾನದ ರಾಹು ಧನಲಾಭದ ಜೊತೆಗೆ ಅಡೆತಡೆಗಳನ್ನು ನಿವಾರಿಸಿಕೊಂಡು ಮುAದೆ ಸಾಗುವ ಸಾಹಸವನ್ನು ಕೊಡುತ್ತಾನೆ.
ಮಿಥುನ ರಾಶಿ
ಒಂಬತ್ತನೇ ಮನೆಯಲ್ಲಿ ಒಂಬತ್ತನೆಯ ಅಧಿಪತಿ ಹಾಗೂ ನಾಲ್ಕನೇ ಅಧಿಪತಿ ಸೇರಿ ಕೇಂದ್ರ ತ್ರಿಕೋಣಾಧಿಪತಿ ಯೋಗ ಆಗಿದೆ. ಇದು ತಾಯಿಗೆ ಸೌಖ್ಯವನ್ನು ಕೊಡುತ್ತದೆ. ತಾಯಿಯ ಆರೋಗ್ಯ ಸುಧಾರಿಸುತ್ತದೆ. ಸೂರ್ಯ ಮನೋಬಲವನ್ನು ಅಭಿವೃದ್ಧಿ ಮಾಡುತ್ತಾನೆ. ಎಂಟನೇ ಮನೆಯಲ್ಲಿ ಕುಜಶುಕ್ರ ಇಬ್ಬರೂ ಇದ್ದು ನಿಮಗೆ ಒಂದು ಆಪತ್ತಿನಿಂದ ಪಾರು ಮಾಡುತ್ತದೆ. ನಾಲ್ಕನೇ ಮನೆಯ ಅಧಿಪತಿ ಭಾಗ್ಯ ಸ್ಥಾನದಲ್ಲಿ ಇರುವುದು ನಿಮ್ಮ ಭಾಗ್ಯವನ್ನು ಹೆಚ್ಚಿಸುತ್ತದೆ. ಲಾಭಸ್ತಾನದ ಗುರು ನಿಮಗೆ ಎಲ್ಲ ವಿಧದ ರಕ್ಷಣೆ ಕೊಡುತ್ತಾನೆ.
ಕಟಕ ರಾಶಿ
ಅಷ್ಟಮ ಶನಿಯಿಂದ ಕೆಲಸ ಕಾರ್ಯಗಳು ನಿಧಾನ. ಚಂದ್ರ ಈ ವಾರ ಒಂಬತ್ತನೇ ಮನೆಯಿಂದ ಎರಡನೇ ಮನೆವರೆಗೂ ಸಂಚರಿಸುತ್ತಾನೆ. ಇದು ನಿಮಗೆ ಲಾಭ ತಂದುಕೊಡುತ್ತದೆ. ಏಳನೇ ಮನೆಯಲ್ಲಿ ಕುಜ ಮತ್ತು ಶುಕ್ರ ಅವಿವಾಹಿತರಿಗೆ ವಿವಾಹಕ್ಕೆ ಅಡ್ಡಿ ಮಾಡುತ್ತಾರೆ. ಈಗ ವಿವಾಹಕ್ಕೆ ಪ್ರಶಸ್ತ ಕಾಲ ಅಲ್ಲ. ಮೂರನೇ ಮನೆಯಲ್ಲಿ ಕೇತು ಮನೋಬಲ ದೈಹಿಕ ಬಲ ಹೆಚ್ವು ಮಾಡುತ್ತಾನೆ. ಎಂಟನೇ ಮನೆಯಲ್ಲಿ ಶನಿ ಸೂರ್ಯ ಇರುವುದು ಕೊಂಚ ಗAಭೀರ ಸಮಯ. ಯಾವುದೇ ಮುಖ್ಯ ನಿರ್ಧಾರ ತೆಗೆದುಕೊಳ್ಳುವ ಮುನ್ನ ನಾಲ್ಕು ಬಾರಿ ಯೋಚಿಸಿ. ಪ್ರಯಾಣಗಳನ್ನು ಮುಂದೂಡಿ.
ಸಿಂಹ ರಾಶಿ
ದೈವಕಾರ್ಯ ಧರ್ಮ ಕಾರ್ಯ ಮಾಡುವ ಸಮಯ. ಮನೆ ದೇವರ ದರ್ಶನ ದೇವರ ಉತ್ಸವಗಳಲ್ಲಿ ಪಾಲ್ಗೊಳ್ಳುವುದು ಧರ್ಮ ಪ್ರವಚನ ಕೇಳುವುದು ಮುಂತಾದ ಧಾರ್ಮಿಕ ಕಾರ್ಯಗಳನ್ನು ಮಾಡುತ್ತೀರಿ. ಗುರುಬಲ ಇರುವುದರಿಂದ ಯಾವುದಕ್ಕೂ ಭಯವಿಲ್ಲ. ಆದರೂ ಆರೋಗ್ಯದ ಕಡೆ ಗಮನ ಇರಲಿ. ಕೌಟುಂಬಿಕವಾಗಿ ಕೊAಚ ಕಿರಿಕಿರಿ ಇದೆ. ಆರನೇ ಮನೆಯಲ್ಲಿ ಕುಜ ಧನ ಲಾಭ ಕೊಡುತ್ತಾನೆ.
ಕನ್ಯಾ ರಾಶಿ
ಆರನೇ ಮನೆಯ ಶನಿಯಿಂದ ಉತ್ತಮ ಧನಲಾಭ ಕಾರ್ಯ ಸಫಲತೆ ಇದೆ. ಈ ವಾರದ ಚಂದ್ರನ ಸಂಚಾರ ಕೂಡ ನಿಮಗೆ ಅನುಕೂಲಕರವಾಗಿದೆ. ಭಾಗ್ಯಸ್ಥಾನ, ಲಾಭ ಸ್ಥಾನದಲ್ಲಿ ಚಂದ್ರನ ಸಂಚಾರ ನಿಮಗೆ ಧನ ಲಾಭ ತಂದುಕೊಡುತ್ತದೆ. ಐಸ್ ಕ್ರೀಂ, ಹಾಲು ಹಾಲಿನ ಉತ್ಪನ್ನಗಳ ವ್ಯಾಪಾರಿಗಳಿಗೆ ಒಳ್ಳೆಯ ಲಾಭ ಇದೆ. ಆರನೇ ಮನೆಯಲ್ಲಿ ಸೂರ್ಯ ಸಹ ನಿಮಗೆ ಸರ್ಕಾರಿ ಕೆಲಸಗಳನ್ನು ಸುಸೂತ್ರ ಮಾಡಿಸುತ್ತಾನೆ. ಗುರು ಎಂಟನೇ ಮನೆಯಲ್ಲಿ ಲಾಭಕರನಲ್ಲ. ಆರೋಗ್ಯದ ಬಗ್ಗೆ ಜಾಗ್ರತೆ ಇರಲಿ.
ತುಲಾ ರಾಶಿ
ಲಗ್ನಾಧಿಪತಿ ಹಾಗೂ ಏಳನೇ ಮನೆಯ ಅಧಿಪತಿ ನಾಲ್ಕನೇ ಮನೆಯಲ್ಲಿ ಆರನೇ ಮನೆಯಲ್ಲಿ ರಾಹು ಏಳನೇ ಮನೆಯಲ್ಲಿ ಗುರು ಈ ವಾರ ನಿಮ್ಮ ಸಮಯ ಚೆನ್ನಾಗಿದೆ. ಯಾವ ಕೆಲಸಕ್ಕೆ ಕೈ ಹಾಕಿದರೂ ಯಶಸ್ಸು ಜಯ ನಿಮ್ಮದು. ಅವಿವಾಹಿತರಿಗೆ ವಿವಾಹಯೋಗ ಇದೆ. ವಿದೇಶ ಪ್ರಯಾಣ ಯೋಗ ಇದೆ. ವಾಹನದಿಂದ ಭೂಮಿಯಿಂದ ಲಾಭ ಇದೆ. ವ್ಯವಸಾಯಗಾರರಿಗೆ ಒಳ್ಳೆಯ ಲಾಭ ಇದೆ. ಅವರ ಬೆಳೆಗಳಿಗೆ ನ್ಯಾಯವಾದ ಬೆಲೆ ಸಿಗುತ್ತದೆ. ಕೃಷಿ ಹೈನು ಉತ್ಪನ್ನಗಳ ಮಾರಾಟಗಾರರಿಗೆ ಲಾಭ ಇದೆ.
ವೃಶ್ಚಿಕ ರಾಶಿ
ಮೂರನೇ ಮನೆಯಲ್ಲಿ ನಿಮ್ಮ ರಾಶಿಯ ಅಧಿಪತಿ ಹಾಗೂ ಏಳನೇ ಅಧಿಪತಿ ಯುತಿ ಯೋಗದಲ್ಲಿ ಇದ್ದಾರೆ. ಇದು ನಿಮಗೆ ಒಡಹುಟ್ಟಿದವರಿಂದ ಲಾಭ ಬೆಂಬಲ ತೋರಿಸುತ್ತದೆ. ವೃತ್ತಿಸ್ಥಾನಾಧಿಪತಿ ಸೂರ್ಯ ಶತ್ರುವಾದ ಶನಿಯ ಜೊತೆ ಇರುವುದರಿಂದ ವೃತ್ತಿಯಲ್ಲಿ ಒತ್ತಡಗಳು ಹೆಚ್ಚು. ಐದನೇ ಮನೆಯಲ್ಲಿ ರಾಹು ಇರುವುದು ಆರನೇ ಮನೆಯಲ್ಲಿ ಗುರು ಇರುವುದು ಮನಸ್ಸಿಗೆ ವಿನಾಕಾರಷ ಕಳವಳ, ಭಾವೋದ್ವೇಗ ಇರುತ್ತದೆ. ನಿಮ್ಮ ಆಪ್ತರಿಂದಲೇ ಮನಸ್ಸಿಗೆ ದುಃಖ ಬರುವ ಸಂಭವ ಇದೆ. ನಾಲ್ಕನೇ ಮನೆಯಲ್ಲಿ ಶನಿ ಸೂರ್ಯ ಇರುವುದು ವಾಹನದಿಂದ ನಷ್ಟ. ಯಾವ ನಡೆಯನ್ನೂ ಯೋಚಿಸಿ ಇಡಿ.
ಧನಸ್ಸು ರಾಶಿ
ಮೂರನೇ ಮನೆಯಲ್ಲಿ ಸೂರ್ಯ ಶನಿ ನಿಮ್ಮ ಪರಾಕ್ರಮವನ್ನು ಹೆಚ್ಚಿಸುತ್ತಾರೆ. ಕಗ್ಗಂಟಾಗಿರುವ ಸಮಸ್ಯೆಗಳನ್ನು ಸರಳಗೊಳಿಸುತ್ತಾರೆ. ಎರಡನೇ ಮನೆಯಲ್ಲಿ ಶುಕ್ರ ಕುಜ ಇದ್ದು ಹಣದ ಹರಿವು ಉತ್ತಮವಾಗಿದೆ. ಭೂಮಿಯಿಂದ ವಾಹನದಿAದ ಲಾಭ ಇದೆ. ನಾಲ್ಕನೇ ಮನೆಯಲ್ಲಿ ರಾಹು ತಾಯಿಗೆ ಅನಾರೋಗ್ಯ ಸೂಚಿಸುತ್ತಾನೆ. ಐದನೇ ಮನೆಯ ಗುರುವಿನಿಂದ ವಿದ್ಯಾರ್ಥಿಗಳಿಗೆ ಲಾಭ. ಸಂತಾನದಿAದ ಲಾಭ ಇದೆ. ಮಕ್ಕಳಿಂದ ಸಂತೋಷದ ಸುದ್ದಿಯನ್ನು ಕೇಳುತ್ತೀರಿ.
ಮಕರ ರಾಶಿ
ನಿಮ್ಮ ರಾಶಿಯಲ್ಲಿ ಕುಜ ಶುಕ್ರ ಇದ್ದಾರೆ. ಕುಜ ಟೆನ್ಷನ್ ಅಥವ ಕಾವನ್ನು ಕೊಡುತ್ತಾನೆ ಶುಕ್ರ ನಿಮಗೆ ಯೋಗಕಾರಕ ಗ್ರಹತಂಪನ್ನು ಕೊಡುತ್ತಾನೆ. ನಿಮ್ಮ ಆಲೋಚನೆ ನಿರ್ಧಾರಗಳೇ ನಿಮ್ಮನ್ನು ಗೊಂದಲದಲ್ಲಿ ಕೆಡವುತ್ತದೆ. ಎರಡನೇ ಮನೆಯಲ್ಲಿ ಶನಿ ಸೂರ್ಯ ಕೌಟುಂಬಿಕ ವಾಗಿ ಅಶಾಂತಿ ಉಂಟು ಮಾಡುತ್ತಾನೆ. ಆದರೆ ಶನಿ ಸೂರ್ಯರ ಜೊತೆ ಬುಧ ಇರುವುದರಿಂದ ಇದು ವಿಕೋಪಕ್ಕೆ ಹೋಗದಂತೆ ತಡೆಯುತ್ತದೆ. ಧನಲಾಭವೂ ತಕ್ಕಮಟ್ಟಿಗೆ ಇದೆ. ಮೂರನೇ ಮನೆಯ ರಾಹು ಒಬ್ಬನೇ ಬಲ ಈಗ ನಿಮಗೆ ಧೈರ್ಯ ಸಾಹಸಗಳನ್ನು ಕೊಟ್ಟು ಸಮಸ್ಯೆಗಳಿಂದ ಪಾರಾಗುವAತೆ ಮಾಡುತ್ತಾನೆ.
ಕುಂಭ ರಾಶಿ
ವ್ಯಯಸ್ಥಾನದಲ್ಲಿ ಕುಜ ಶುಕ್ರರು ಇದ್ದು ಖರ್ಚುಗಳು ಇದೆ. ಪವರ್‌ಗೆ ಸಂಬAಧಪಟ್ಟ ಹಾಗೂ ಭೂಮಿಗೆ ಸಂಬAಧಪಟ್ಟ ವಿಷಯದಲ್ಲಿ ಖರ್ಚುಗಳು ಇವೆ. ಅಲಂಕಾರ ವಸ್ತುಗಳು ಚಿನ್ನ ಬೆಳ್ಳಿ ಗೃಹೋಪಯೋಗಿ ಉಪಕರಣಗಳಿಗಾಗಿ ಖರ್ಚು ಮಾಡುತ್ತೀರಿ. ಎರಡನೇ ಮನೆಯಲ್ಲಿ ರಾಹು ಇರುವುದು ಕೂಡ ಅಷ್ಟು ಒಳ್ಳೆಯ ಸೂಚನೆ ಅಲ್ಲ. ಇನ್ನು ಕೆಲವೇ ದಿನದಲ್ಲಿ ಬುಧ ಎರಡನೇ ಮನೆಗೆ ಪ್ರವೇಶವಾದಾಗ ಕೊಂಚ ನಿರಾಳತೆ ಸಿಗುತ್ತದೆ. ರಾಶಿಯಲ್ಲೇ ಸೂರ್ಯ ಹಾಗೂ ಶನಿ ಇದ್ದಾರೆ ಇದು ನಿಮ್ಮ ವೈಯುಕ್ತಿಕ ಸಮಸ್ಯೆಗಳನ್ನು ಹೆಚ್ಚು ಮಾಡುತ್ತದೆ.
ಮೀನ ರಾಶಿ
ನಿಮಗೂ ಸಹ ಸಮಸ್ಯೆಗಳ ಸರಮಾಲೆಯೇ ಇದೆ. ರಾಶಿಯಲ್ಲೇ ರಾಹು ವ್ಯಯಸ್ಥಾನದಲ್ಲಿ ಶನಿಸೂರ್ಯ ಬುಧ ಇವೆಲ್ಲ ನಿಮ್ಮನ್ನು ಹಿಂದಕ್ಕೆ ಎಳೆಯುತ್ತದೆ. ನಾಲ್ಕು ಹೆಜ್ಜೆ ಮುಂದೆ ಹೋಗಲು ಪ್ರಯತ್ನ ಮಾಡಿದರೆ ಮೂರು ಹೆಜ್ಜೆ ಹಿಂದೆ ಬರುತ್ತೀರಿ. ಆದರೆ ಈಗ ಗುರುಬಲ ಇದೆ. ಆದ್ದರಿಂದ ಸಮಸ್ಯೆಗಳ ಬಿಸಿ ತಾಕದ ಹಾಗೆ ಕಾಪಾಡುತ್ತಾನೆ. ಅವಿವಾಹಿತರಿಗೆ ವಿವಾಹ ಯೋಗ ಇದೆ. ವಿದ್ಯಾರ್ಥಿಗಳಿಗೆ ಶುಭ ಫಲ ಇದೆ. ಕೆಲಸದಲ್ಲಿ ಬಡ್ತಿ ಯಶಸ್ಸು ಇದೆ. ಖರ್ಚುಗಳನ್ನು ನಿಯಂತ್ರಣ ಮಾಡಿಕೊಳ್ಳಿ. ಯಾರೊಂದಿಗೂ ಜಗಳ ವಾದವಿವಾದ ಬೇಡ.