ಮಡಿಕೇರಿ : ಆಟಿಕೆಯಲ್ಲಿದ್ದ ಸಣ್ಣ ಎಲ್ಇಡಿ ಬಲ್ಬ್ನ್ನು 8 ತಿಂಗಳ ಮಗು ಆಟವಾಡುವ ವೇಳೆ ನುಂಗಿ ಅಪಾಯಕ್ಕೆ ಸಿಲುಕಿದ ಘಟನೆ ಮಡಿಕೇರಿಯಲ್ಲಿ ನಡೆದಿದೆ.
ಮಗು ನಿರಂತರವಾಗಿ ಅಳುತ್ತಿದ್ದು, ನಂತರ ಉಸಿರಾಟದಲ್ಲೂ ತೊಂದರೆ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಆತಂಕಗೊಂಡ ಪೋಷಕರು ತಕ್ಷಣ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದರು. ಎಕ್ಸ್-ರೇ ಪರೀಕ್ಷೆಯಲ್ಲಿ ಮಗುವಿನ ಗಂಟಲಿನಲ್ಲಿ ಎಲ್ಇಡಿ ಬಲ್ಬ್ ಸಿಲುಕಿರುವುದು ಪತ್ತೆಯಾಯಿತು.
ವೈದ್ಯರು ತಕ್ಷಣ ಶಸ್ತ್ರಚಿಕಿತ್ಸೆ ನಡೆಸಿ ಎಲ್ಇಡಿ ಬಲ್ಬ್ ಅನ್ನು ಯಶಸ್ವಿಯಾಗಿ ಹೊರತೆಗೆದರು. ಸಕಾಲದಲ್ಲಿ ಚಿಕಿತ್ಸೆ ದೊರೆತ ಪರಿಣಾಮ ಮಗು ಅಪಾಯದಿಂದ ಪಾರಾಗಿದೆ.
ಪೋಷಕರಿಗೆ ವೈದ್ಯರ ಸಲಹೆ :
ಸಣ್ಣ ಭಾಗಗಳಿರುವ ಆಟಿಕೆಗಳನ್ನು ಪುಟ್ಟ ಮಕ್ಕಳಿಗೆ ನೀಡಬೇಡಿ.ಮಕ್ಕಳು ಆಟವಾಡುವಾಗ ನಿರಂತರ ನಿಗಾ ವಹಿಸಿ.ಯಾವುದೇ ವಸ್ತು ನುಂಗಿರುವ ಶಂಕೆ ಕಂಡುಬಂದರೆ ತಕ್ಷಣ ಆಸ್ಪತ್ರೆಗೆ ಕರೆದೊಯ್ಯಿರಿ ಎಂದು ತಿಳಿಸಿದ್ದಾರೆ.
