ನವದೆಹಲಿ : ವಾಹನ ಚಾಲನಾ ಪರವಾನಿಗೆ (DL) ಪಡೆಯುವ ನಿಯಮಗಳನ್ನು ಮತ್ತಷ್ಟು ಬಿಗಿಗೊಳಿಸಲು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ ಎಂದು ವರದಿಯಾಗಿದೆ. ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡಿ, ಸುರಕ್ಷಿತ ಚಾಲನೆಗೆ ಉತ್ತೇಜನ ನೀಡುವ ಉದ್ದೇಶದಿಂದ ಹಲವು ಹೊಸ ಪ್ರಸ್ತಾವನೆಗಳನ್ನು ಪರಿಶೀಲಿಸಲಾಗುತ್ತಿದೆ.
ಶೇ.75 ಅಂಕ ಕಡ್ಡಾಯ?
ಚಾಲನಾ ಪರವಾನಿಗೆ ಪಡೆಯಲು ಪ್ರಸ್ತುತ ಶೇ.60ರ ಬದಲು ಶೇ.75 ಅಂಕಗಳನ್ನು ಕಡ್ಡಾಯಗೊಳಿಸುವ ಪ್ರಸ್ತಾವನೆ ಇದೆ ಎನ್ನಲಾಗಿದೆ.
30 ನಿಮಿಷಗಳ ಚಾಲನಾ ತರಗತಿ!
ಡಿಎಲ್ ಪಡೆಯುವ ಮೊದಲು ಅರ್ಜಿದಾರರು ಕನಿಷ್ಠ 30 ನಿಮಿಷಗಳ ಚಾಲನಾ ತರಗತಿಗೆ ಹಾಜರಾಗುವಂತೆ ನಿಯಮ ರೂಪಿಸುವ ಚಿಂತನೆ ನಡೆದಿದೆ.
ಪರವಾನಿಗೆಯಲ್ಲಿ ರಾಷ್ಟ್ರೀಯತೆ ನಮೂದು ಚಾಲನಾ ಪರವಾನಿಗೆಯಲ್ಲಿ ವ್ಯಕ್ತಿಯ ರಾಷ್ಟ್ರೀಯತೆಯನ್ನು ನಮೂದಿಸುವುದರ ಜೊತೆಗೆ, ಭಾರತೀಯರು ಮತ್ತು ವಿದೇಶಿ ಪ್ರಜೆಗಳಿಗೆ ಪ್ರತ್ಯೇಕ ಬಣ್ಣದ ಪರವಾನಿಗೆ ಪರಿಚಯಿಸುವ ಸಾಧ್ಯತೆಯೂ ಇದೆ.
ರಕ್ತದ ಗುಂಪು, ಮೊಬೈಲ್ ಸಂಖ್ಯೆ ಕಡ್ಡಾಯ? ಪರವಾನಿಗೆಯಲ್ಲಿ ರಕ್ತದ ಗುಂಪು, ಮೊಬೈಲ್ ಸಂಖ್ಯೆ ಹಾಗೂ ತುರ್ತು ಸಂಪರ್ಕ ವಿವರಗಳನ್ನು ಕಡ್ಡಾಯವಾಗಿ ನಮೂದಿಸುವ ಪ್ರಸ್ತಾವನೆಯೂ ಪರಿಶೀಲನೆಯಲ್ಲಿದೆ.
ಆನ್‌ಲೈನ್ ಸೇವೆಗಳಿಗೆ ಶುಲ್ಕ ಮನ್ನಾ ಆನ್‌ಲೈನ್ ಆಧಾರ್ ದೃಢೀಕರಣದ ಮೂಲಕ ಡಿಎಲ್‌ಗೆ ಸಂಬಂಧಿಸಿದ ಕೆಲವು ಸೇವೆಗಳನ್ನು ಪಡೆಯುವವರಿಗೆ, ವಿಳಾಸ, ಹೆಸರು ಮತ್ತು ಸಂಪರ್ಕ ಸಂಖ್ಯೆಯ ಬದಲಾವಣೆಯಂತಹ ಸೇವೆಗಳಲ್ಲಿ ಶುಲ್ಕ ವಿನಾಯಿತಿ ನೀಡುವ ಪ್ರಸ್ತಾವನೆಯೂ ಇದೆ.
ಸುರಕ್ಷಿತ ಚಾಲನೆಗೆ ಹೆಚ್ಚಿನ ಒತ್ತು
ಈ ಪ್ರಸ್ತಾವನೆಗಳು ಜಾರಿಗೆ ಬಂದರೆ ಚಾಲನಾ ಪರವಾನಿಗೆ ಪಡೆಯುವ ಪ್ರಕ್ರಿಯೆಯಲ್ಲಿ ಬದಲಾವಣೆಗಳಾಗುವ ಸಾಧ್ಯತೆಯಿದೆ. ಆದರೆ, ಮೇಲಿನ ಅಂಶಗಳನ್ನು ಅಧಿಕೃತವಾಗಿ ಜಾರಿಗೊಂಡ ನಿಯಮಗಳೆಂದು ಪರಿಗಣಿಸಬಾರದು; ಕೇಂದ್ರ ಸರ್ಕಾರದ ಅಧಿಕೃತ ಅಧಿಸೂಚನೆಯ ಮೂಲಕ ಅಂತಿಮ ನಿರ್ಧಾರವನ್ನು ಖಚಿತಪಡಿಸಿಕೊಳ್ಳಬೇಕು.
 ಪಡೆಯುವ ನಿಯಮಗಳನ್ನು ಮತ್ತಷ್ಟು ಬಿಗಿಗೊಳಿಸಲು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ ಎಂದು ವರದಿಯಾಗಿದೆ. ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡಲು){kind=link}