ಮಂಗಳೂರು : ವೈಲ್ಡ್ ಟೈಗರ್ ಸಫಾರಿ ಚಿತ್ರದ ತಂಡವು ಚಿತ್ರದ ಮೊದಲ ಹಾಡು ಬಿಡುಗಡೆಯಾಗಿರುವುದನ್ನು ಸಂತೋಷದಿಂದ ಪ್ರಕಟಿಸುತ್ತದೆ. ಚಿತ್ರದ ಟೀಸರ್ಗೆ ಕನ್ನಡ ಮತ್ತು ಹಿಂದಿ ಪ್ರೇಕ್ಷಕರಿಂದ ಭಾರೀ ಪ್ರತಿಕ್ರಿಯೆ ಲಭಿಸಿದ ಬಳಿಕ ಚಿತ್ರದ ಬಗ್ಗೆ ನಿರೀಕ್ಷೆಗಳು ಇನ್ನಷ್ಟು ಹೆಚ್ಚಾಗಿವೆ. ದೊರೆತ ಅಪಾರ ಮೆಚ್ಚುಗೆಯು ವೈಲ್ಡ್ ಟೈಗರ್ ಸಫಾರಿ ಸಾಮಾನ್ಯ ಪ್ರೇಕ್ಷಕರ ಹೃದಯವನ್ನು ಸ್ಪರ್ಶಿಸುವ ಚಿತ್ರವಾಗಲಿದೆ ಎಂಬ ನಮ್ಮ ನಂಬಿಕೆಯನ್ನು ಬಲಪಡಿಸಿದೆ.
ವಿ.ಕೆ. ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ವಿನೋದ್ ಕುಮಾರ್ ನಿರ್ಮಿಸಿರುವ ಈ ಚಿತ್ರವನ್ನು ಕೆಜಿಎಫ್ ಚಿತ್ರದ ಲೇಖಕರಾಗಿ ಪ್ರಸಿದ್ಧರಾದ ಎಂ. ಚಂದ್ರಮೌಳಿ ನಿರ್ದೇಶಿಸಿದ್ದಾರೆ. ಇದು ಸಂಪೂರ್ಣ ಮಾಸ್ ಆಕ್ಷನ್ ಪ್ರತೀಕಾರ ಕಥೆಯಾಗಿ ಮೂಡಿಬಂದಿದ್ದು, ನಮ್ಮ ಸಾಂಸ್ಕೃತಿಕ ಪರಂಪರೆಯಾದ ಹುಲಿ ಕುಣಿತದ ಭಾವನಾತ್ಮಕ ತೀವ್ರತೆ ಮತ್ತು ದೈವಿಕ ಅಂಶಗಳನ್ನು ಸೂಕ್ಷ್ಮವಾಗಿ ಕಥಾಹಂದರದಲ್ಲಿ ಜೋಡಿಸಲಾಗಿದೆ. ಈ ಜನಪದ ಪರಂಪರೆಯ ಸ್ಪಂದನ ಕಥೆಗೆ ಗಂಭೀರತೆ ಮತ್ತು ಸಾಂಸ್ಕೃತಿಕ ಬಲವನ್ನು ನೀಡುತ್ತದೆ.
ಚಿತ್ರದಲ್ಲಿ ಶಿಥಿಲ್ ಪೂಜಾರಿ, ನಿಮಿಕಾ ರತ್ನಾಕರ್, ಅವಿನಾಶ್ (ಕೆಜಿಎಫ್ ಖ್ಯಾತಿ), ಅಚ್ಯುತ್ ಸೇರಿದಂತೆ ಎಲ್ಲಾ ಕಲಾವಿದರು ಶಕ್ತಿಯುತ ಅಭಿನಯವನ್ನು ನೀಡಿದ್ದಾರೆ. ಪ್ರತಿಯೊಬ್ಬ ಕಲಾವಿದರೂ ತಮ್ಮ ಪಾತ್ರವನ್ನು ಸಂಪೂರ್ಣವಾಗಿ ಅಳವಡಿಸಿಕೊಂಡು, ಕಥೆಗೆ ನೈಜತೆ ಮತ್ತು ತೀವ್ರತೆಯನ್ನು ತಂದಿದ್ದಾರೆ.
ಮೊದಲ ಹಾಡಿನ ಬಗ್ಗೆ ಬಿಡುಗಡೆಯಾಗುತ್ತಿರುವ ಮೊದಲ ಹಾಡು ಕಥೆಯ ಪ್ರಮುಖ ಭಾಗವಾಗಿರುವ ಹೈ-ಎನರ್ಜಿ ಸೆಲೆಬ್ರೇಷನ್ ಟ್ರ್ಯಾಕ್ ಆಗಿದೆ. ಸಾಮಾನ್ಯ ವಾಣಿಜ್ಯ ಚಿತ್ರಗಳಂತೆ ನಾಯಕನೇ ಪಾರ್ಟಿ ಹಾಡನ್ನು ಮುನ್ನಡೆಸುವ ಪದ್ಧತಿಗೆ ಬದ್ಧವಾಗದೇ, ವೈಲ್ಡ್ ಟೈಗರ್ ಸಫಾರಿ ತನ್ನ ಕಥೆಯ ಅಗತ್ಯಕ್ಕೆ ತಕ್ಕಂತೆ ಈ ಹಾಡನ್ನು ರೂಪಿಸಿದೆ.ಈ ಹಾಡಿನಲ್ಲಿ ಅಮರ್ ಶೆಟ್ಟಿ ಮತ್ತು ವರ್ಮಾ ಎಂಬ ಪಾತ್ರಗಳು ಪ್ರಮುಖವಾಗಿ ಕಾಣಿಸಿಕೊಂಡಿದ್ದು, ಅವನ್ನು ಸುಶಾಂತ್ ಮತ್ತು ಧರ್ಮೇಶ್ ಜೀವಂತವಾಗಿ ಮೂಡಿಸಿದ್ದಾರೆ. ಸಂಪೂರ್ಣ ವಿಭಿನ್ನ ಸ್ವಭಾವದ ಎರಡು ನಕಾರಾತ್ಮಕ ಪಾತ್ರಗಳನ್ನು ಅವರು ಅತ್ಯಂತ ಪ್ರಭಾವಶಾಲಿಯಾಗಿದ್ದಾರೆ.
ಇಬ್ಬರೂ ವೃತ್ತಿಪರ ನೃತ್ಯಗಾರರಾಗಿದ್ದರೂ, ಅವರ ನೃತ್ಯ ಪ್ರದರ್ಶನಗಳು ಪಾತ್ರದ ಸ್ವಭಾವಕ್ಕೆ ತಕ್ಕಂತೆ ಇರಲು ವಿಶೇಷ ಕಾಳಜಿ ವಹಿಸಲಾಗಿದೆ. ಪ್ರತಿಯೊಂದು ಹೆಜ್ಜೆಯೂ ಪ್ರತೀಕಾರ ಕಥೆಯ ತೀವ್ರತೆಯನ್ನು ಪ್ರತಿಬಿಂಬಿಸುವಂತೆ ವಿನ್ಯಾಸಗೊಳಿಸಲಾಗಿದೆ. ಅವರ ಶಕ್ತಿ, ಭಾವಭಂಗಿ ಮತ್ತು ಪರದೆ ಮೇಲೆ ಇರುವ ಹಿಡಿತ ಈ ಹಾಡಿಗೆ ವಿಶಿಷ್ಟ ಮೆರುಗು ನೀಡುತ್ತದೆ.
ಈ ಹಾಡಿನಲ್ಲಿ ಕಾಣಿಸಿಕೊಂಡಿರುವ ಪ್ರಿಯಾಂಕಾ ಅವರೂ ಉತ್ಸಾಹಭರಿತ ಮತ್ತು ಮನಮೋಹಕ ಅಭಿನಯ ನೀಡಿದ್ದಾರೆ. ಅವರ ಲಾವಣ್ಯ, ಆತ್ಮವಿಶ್ವಾಸ ಮತ್ತು ಪರದೆ ಮೇಲಿನ ಚೈತನ್ಯ ಈ ಸೆಲೆಬ್ರೇಷನ್ ಟ್ರ್ಯಾಕ್ಗೆ ಹೆಚ್ಚುವರಿ ಆಕರ್ಷಣೆಯನ್ನು ತಂದಿದೆ. ಈ ಹಾಡಿಗೆ ಸಂಗೀತ ನಿರ್ದೇಶನವನ್ನು ಸಚಿನ್ ಬಸ್ರೂರ್ ಮಾಡಿದ್ದಾರೆ. ಶಕ್ತಿಶಾಲಿ ಹೂಕ್ ಲೈನ್ ಹೊಂದಿರುವ ಈ ಹಾಡು ಪ್ರೇಕ್ಷಕರ ಮನಸ್ಸಿನಲ್ಲಿ ಉಳಿಯುವಂತಿದೆ. ಹಾಡಿನ ಸಾಹಿತ್ಯವನ್ನು ಪ್ರಮೋದ್ ಮರವಂತೆ ರಚಿಸಿದ್ದು, ಮಾಸ್ ಶೈಲಿಯ ಉತ್ಸಾಹ ಮತ್ತು ಸಂಭ್ರಮದ ವಾತಾವರಣಕ್ಕೆ ತಕ್ಕಂತೆ ಪರಿಣಾಮಕಾರಿಯಾಗಿ ಪದಗಳನ್ನು ಜೋಡಿಸಿದ್ದಾರೆ.
ನೃತ್ಯ ಸಂಯೋಜನೆಯನ್ನು ದೀಕ್ಷಿತ್ ಕುಮಾರ್ ನಿರ್ವಹಿಸಿದ್ದು, ಪಾತ್ರಾಧಾರಿತ ಮತ್ತು ಉತ್ಸಾಹಭರಿತ ಹೆಜ್ಜೆಗಳನ್ನು ಅತ್ಯುತ್ತಮವಾಗಿ ರೂಪಿಸಿದ್ದಾರೆ. ಕಥೆಯ ಮೌಲ್ಯಗಳಿಗೆ ಧಕ್ಕೆಯಾಗದಂತೆ ಪ್ರತಿಯೊಂದು ಚಲನೆಯನ್ನು ವಿನ್ಯಾಸಗೊಳಿಸಿರುವುದು ಹಾಡಿಗೆ ನೈಜತೆ ಮತ್ತು ತೀವ್ರತೆಯನ್ನು ನೀಡಿದೆ.
ಐಶ್ವರ್ಯ ರಂಗರಾಜನ್ ಅವರ ಗಾನ ಈ ಹಾಡಿಗೆ ವಿಶೇಷ ಮೆರಗು ತಂದಿದೆ. ಅವರ ಶಕ್ತಿಯುತ ಮತ್ತು ಚೈತನ್ಯಭರಿತ ಧ್ವನಿ ಹಾಡಿನ ಉತ್ಸಾಹವನ್ನು ಹೆಚ್ಚಿಸಿ ಮಾಸ್ ಆಕರ್ಷಣೆಯನ್ನು ನೀಡುತ್ತದೆ. ಈ ಸೆಲೆಬ್ರೇಷನ್ ಟ್ರ್ಯಾಕ್ ವೈಲ್ಡ್ ಟೈಗರ್ ಸಫಾರಿ ಚಿತ್ರದ ವೈಲ್ಡ್ ಎನರ್ಜಿ ಮತ್ತು ಧಾಟಿಯನ್ನು ಪ್ರತಿಬಿಂಬಿಸುತ್ತದೆ. ಇದು ಪ್ರೇಕ್ಷಕರನ್ನು ತೊಡಗಿಸಿಕೊಳ್ಳುವಂತೆ ಮಾಡುತ್ತಿದ್ದು, ಚಿತ್ರದ ಆಕ್ಷನ್ ಮತ್ತು ಭಾವನಾತ್ಮಕ ಪ್ರಯಾಣಕ್ಕೆ ಭದ್ರ ನೆಲೆ ಸೃಷ್ಟಿಸುತ್ತದೆ.
ಚಿತ್ರತಂಡವು ಮಾಧ್ಯಮ ಹಾಗೂ ಪ್ರೇಕ್ಷಕರ ನಿರಂತರ ಬೆಂಬಲಕ್ಕೆ ಹೃತ್ಪೂರ್ವಕ ಧನ್ಯವಾದಗಳನ್ನು ತಿಳಿಸಿ, ಮುಂದಿನ ದಿನಗಳಲ್ಲಿ ಇನ್ನಷ್ಟು ರೋಚಕ ಮಾಹಿತಿಗಳನ್ನು ಹಂಚಿಕೊಳ್ಳಲು ಕಾತರವಾಗಿದೆ.
