ಗೋಕಾಕ : ದುಬಾರಿ ದ್ವಿಚಕ್ರ ವಾಹನಗಳನ್ನು ಕದಿಯುತ್ತಿದ್ದ ಕುಖ್ಯಾತ ಅಂತರರಾಜ್ಯ ಇಬ್ಬರು ಬೈಕ್ ಕಳ್ಳರನ್ನು ಗೋಕಾಕ ತಾಲೂಕಿನ ಅಂಕಲಗಿ ಪೊಲೀಸರು ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ.
ಕುಂದರಗಿ ಗ್ರಾಮದ ಶ್ರೀ ಲಕ್ಷ್ಮೀ ದೇವಿ ದೇವಸ್ಥಾನದ ಎದುರು ನಿಲ್ಲಿಸಿದ ಮೋಟಾರ ಸೈಕಲ್ ಕಳ್ಳತನವಾದ ಬಗ್ಗೆ ಗೋಕಾಕ ತಾಲೂಕಿನ ಅಂಕಲಗಿ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದ್ದ ಪ್ರಕರಣದ ಪತ್ತೆಗಾಗಿ ಬೆಳಗಾವಿ ಎಸ್,ಪಿ,ಯವರ ಆದೇಶದಂತೆ ಸಿಪಿಆಯ್ ಗೋಪಾಲ ರಾಥೋಡ ನೇತೃತ್ವದಲ್ಲಿ ತಂಡವನ್ನು ರಚಿಸಿ
ಬೆಳಗಾವಿ ಹೆಚ್ಚುವರಿ ಎಸ್. ಪಿ. ಗೋಕಾಕ ಡಿ,ಎಸ್,ಪಿ, ರವರ ಮಾರ್ಗದರ್ಶನದಲ್ಲಿ ಸದರಿ ಪ್ರಕರಣದ ತನಿಖೆ ಕೈಗೊಂಡು ಪ್ರಕರಣದ ಬೆನ್ನು ಹತ್ತಿ ಎರಡು ಜನ ಆರೋಪಿಯನ್ನು ಬಂಧಿಸಿದ್ದಾರೆ.
ಕೊಲ್ಹಾಪುರ, ನಿಪ್ಪಾಣಿ, ಸಂಕೇಶ್ವರ ಹಾಗೂ ವಿವಿದೆಡೆ ಕಳ್ಳತನವಾಗಿದ್ದ ಅಂದಾಜು 8.25 ಲಕ್ಷ ರೂ,ಮೌಲ್ಯದ ಒಟ್ಟು 23 ಮೋಟಾರ ಸೈಕಲ್‌ಗಳನ್ನು ವಶಕ್ಕೆಪಡೆದುಕೊಂಡು ಪ್ರಕರಣ ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ.
ಅಂತರರಾಜ್ಯ ಕಳ್ಳರನ್ನು ಬಂಧಿಸುವಲ್ಲಿ ಯಶಸ್ವಿಯಾದ CPI ಗೋಪಾಲ ರಾಠೋಡ ಅಂಕಲಗಿ psi
ಎಚ್.ಡಿ.ಯರಝರ್ವಿ ಗೋಕಾಕ ನಗರ PSI ಎಮ್. ಡಿ. ಘೋರಿ ಗ್ರಾಮೀಣ PSI ಕಿರಣ ಮೋಹಿತೆ ಮತ್ತು ಸಿಬ್ಬಂದಿಗಳ ಕಾರ್ಯಕ್ಕೆ ಬೆಳಗಾವಿ ಎಸ್. ಪಿ.ಯವರು ಶ್ಲಾಘಿಸಿ ಅಪರಾಧ ಪ್ರಕರಣಗಳನ್ನು ಪತ್ತೆ
ಹಚ್ಚಲು ಸೂಚಿಸಿರುತ್ತಾರೆ.