ಉಳ್ಳಾಲ : ಸಹೋದ್ಯೋಗಿಯ ಮೇಲೆ ಹಲ್ಲೆ ನಡೆಸಿ ಹಲ್ಲು ಮುರಿದು ಪರಾರಿಯಾಗಿದ್ದ ಆಟೋರಿಕ್ಷಾ ಚಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ. ಉಳ್ಳಾಲ ಸಮೀಪದ ಕುಂಪಲ ಎಂಬಲ್ಲಿ ನಡೆದ ಘಟನೆ ನಡೆದ 24 ಗಂಟೆಯೊಳಗೆ ಆರೋಪಿಯನ್ನು ಬಂಧಿಸಲಾಗಿದೆ.
ಬಂಧಿತ ಚಾಲಕ ರೋಕೇಶ್ (37) ಮತ್ತು ಹಲ್ಲೆಗೆ ಒಳಗಾದವರು ಸುಶಾಂತ್ (31). ಇಬ್ಬರೂ ಕುಂಪಲದಲ್ಲಿ ಆಟೋ ಚಾಲಕರಾಗಿದ್ದು, ಭಾನುವಾರ ಇಬ್ಬರು ಪರಸ್ಪರ ಘರ್ಷಣೆ ನಡೆಸಿದ್ದು, ರೋಕೇಶ್ ಸುಶಾಂತ್ ಅವರ ಮುಖಕ್ಕೆ ಬಲವಾಗಿ ಗುದ್ದಿದ ಪರಿಣಾಮ ಆತನ ಎರಡು ಹಲ್ಲು ಮುರಿದಿದೆ. ಬಳಿಕ ಸುಶಾಂತ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದರು. ನಂತರ ದೂರು ನೀಡಿದ್ದು, ಅದರ ಆಧಾರದ ಮೇಲೆ ಆರೋಪಿಯನ್ನು ಬಂಧಿಸಲಾಗಿದೆ.
