ಬೆಂಗಳೂರು : ವರದಕ್ಷಿಣೆ ಕಿರುಕುಳದ ಆರೋಪದಲ್ಲಿ ಕನ್ನಡ ನಟಿ ಅಭಿನಯ, ಅವರ ತಾಯಿ ಮತ್ತು ಅವರ ಸಹೋದರನನ್ನು ಕರ್ನಾಟಕ ಹೈಕೋರ್ಟ್ ದೋಷಿಗಳೆಂದು ಘೋಷಿಸಿದ್ದು, ತ್ವರಿತ ನ್ಯಾಯಾಲಯವು ಅವರ ಖುಲಾಸೆಯನ್ನು ರದ್ದುಗೊಳಿಸಿದೆ.
2002ರಲ್ಲಿ ಬೆಂಗಳೂರಿನ ಚಂದ್ರಾ ಲೇಔಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. 2010ರಲ್ಲಿ ವಿಚಾರಣಾ ನ್ಯಾಯಾಲಯ ಎಲ್ಲ ಆರೋಪಿಗಳನ್ನು ದೋಷಿ ಎಂದು ತೀರ್ಪು ನೀಡಿದ್ದರೆ, ಎರಡು ವರ್ಷಗಳ ಬಳಿಕ ತ್ವರಿತ ನ್ಯಾಯಾಲಯ ಅವರನ್ನು ಖುಲಾಸೆಗೊಳಿಸಿತ್ತು. ಬಳಿಕ ರಾಜ್ಯ ಹೈಕೋರ್ಟ್ನಲ್ಲಿ ಮೇಲ್ಮನವಿ ಸಲ್ಲಿಸಿತ್ತು.
ಐಪಿಸಿ ಸೆಕ್ಷನ್ 498ಎ ಅಡಿಯಲ್ಲಿ ಅಭಿನಯ ಮತ್ತು ಆಕೆಯ ಸಹೋದರ ಚೆಲುವರಾಜ್ ಅವರಿಗೆ ಎರಡು ವರ್ಷಗಳ ಸಾದಾ ಜೈಲು ಶಿಕ್ಷೆಯನ್ನು ನ್ಯಾಯಮೂರ್ತಿ ಎಚ್ ಬಿ ಪ್ರಭಾಕರ ಶಾಸ್ತ್ರಿ ದೃಢಪಡಿಸಿದ್ದಾರೆ. ನಟಿಯ ತಾಯಿ ಜಯಮ್ಮ ಅವರಿಗೆ ನ್ಯಾಯಾಲಯವು ಸೆಕ್ಷನ್ 3 ಮತ್ತು 4 ರ ಅಡಿಯಲ್ಲಿ ಐದು ವರ್ಷಗಳ ಸಾದಾ ಜೈಲು ಶಿಕ್ಷೆಯನ್ನು ವಿಧಿಸಿದೆ.
ಅಭಿನಯ ಅವರ ಸಹೋದರ ಶ್ರೀನಿವಾಸ್ ಮಾರ್ಚ್ 1998 ರಲ್ಲಿ ಲಕ್ಷ್ಮಿದೇವಿಯನ್ನು ವಿವಾಹವಾದರು. ಶ್ರೀನಿವಾಸ್ ಅವರ ಕುಟುಂಬವು ಬೇಡಿಕೆಯ ಮೇರೆಗೆ ವರದಕ್ಷಿಣೆ ಮತ್ತು ಚಿನ್ನಾಭರಣವಾಗಿ 80,000 ರೂ. 1 ಲಕ್ಷ ಹೆಚ್ಚುವರಿ ವರದಕ್ಷಿಣೆ ತರುವಂತೆ ಲಕ್ಷ್ಮೀದೇವಿಗೆ ಕಿರುಕುಳ ನೀಡಿ ದೌರ್ಜನ್ಯ ಎಸಗಿದ್ದಾರೆ.
ಜನವರಿ 5, 2010 ರಂದು ವಿಚಾರಣಾ ನ್ಯಾಯಾಲಯವು ಶ್ರೀನಿವಾಸ್, ರಾಮಕೃಷ್ಣ, ಜಯಮ್ಮ, ಅಭಿನಯ ಮತ್ತು ಆಕೆಯ ಹಿರಿಯ ಸಹೋದರ ಚೆಲುವರಾಜ್ ಅವರನ್ನು ಐಪಿಸಿ ಸೆಕ್ಷನ್ 498 ಎ ಮತ್ತು ವರದಕ್ಷಿಣೆ ನಿಷೇಧ ಕಾಯಿದೆ, 1961 ರ ಸೆಕ್ಷನ್ 3 ಮತ್ತು 4 ರ ಅಡಿಯಲ್ಲಿ ದೋಷಿಗಳೆಂದು ಘೋಷಿಸಿತು. ವಿಚಾರಣಾ ನ್ಯಾಯಾಲಯವು ಆರೋಪಿಗಳಿಗೆ ಶಿಕ್ಷೆಯನ್ನು ವಿಧಿಸಿತ್ತು …