ರಾಮನಗರ ; ಎರಡು ಲಕ್ಷ ಹಣ ನೀಡುವಂತೆ ಪೋಷಕರಿಗೆ ಡಿಮ್ಯಾಂಡ್ ಮಾಡಿ ಪಕ್ಕದ‌ಮನೆ ಮಗುವನ್ನು ಕಿಡ್ನಾಪ್ ಮಾಡಿ ಸಿಮೆಂಟ್ ಗೋಡೌನ್ ನಲ್ಲಿ ಕೂಡಿ ಹಾಕಿ ಮಗುವಿನ ಬಾಯಿ, ಕೈಕಾಲುಗಳಿಗೆ ಪ್ಲಾಸ್ಟರ್ ನಲ್ಲಿ ಕಟ್ಟಿ ಕಟ್ಟಿಹಾಕಿದ್ದ ಘಟನೆ ರಾಮನಗರ ಟೌನ್ ನ ಮಂಜುನಾಥ್ ನಗರದಲ್ಲಿ ತಡರಾತ್ರಿ ಘಟನೆ ಬೆಳಕಿಗೆಬಂದಿದೆ.
ಆರೋಪಿ ಪಕ್ಕದ ಮನೆಯ ನಿವಾಸಿ ದರ್ಶನ್ ಎಂದು ತಿಳಿದುಬಂದಿದ್ದು ಬೀಡಿ, ಸಿಗರೇಟ್ ಮತ್ತು ಗಾಂಜಾ ಚಟಕ್ಕೆ ದಾಸನಾಗಿದ್ದಾನೆ. ತನ್ನ ಚಟಕ್ಕಾಗಿ ಅವರಿವರಿಂದ 10-20 ರೂ. ಕೇಳಿ ಪಡೆಯುತ್ತಿದ್ದನು. ಮಗು ಮಂಜುನಾಥ್ ನಗರ ನಿವಾಸಿಗಳಾದ ಸಂತೋಷ್ ಎಂಬುವವರ ಪುತ್ರಿ ವಿಶ್ಮಿತಾ(6) ಎಂದು ತಿಳಿದಿದೆ .
ಸ್ಥಳೀಯರ ಜೊತೆ ಪೋಷಕರು ಮಗುವನ್ನು ಹುಡುಕಾಟ ನಡೆಸಿದ್ದು ಪಕ್ಕದಲ್ಲೇ ಇದ್ದ ಸಿಮೆಂಟ್ ಗೋಡೌನ್ ನಲ್ಲಿ ಮಗು ಪತ್ತೆಯಾಗಿದೆ.ಆರೋಪಿ ಮಗುವಿಗೆ ಹಲವು ಸುತ್ತು ಕೈಕಾಲುಗಳಿಗೆ ಪ್ಲಾಸ್ಟರ್ ಸುತ್ತಿಹಾಕಿದ್ದು ಸ್ಥಳೀಯರು ಮಗುವನ್ನು ಹುಡುಕಿ ಪ್ಲಾಸ್ಟರ್ ನ್ನು ಬಿಚ್ಚಿ ಆರೋಪಿಯನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ . ಮಗು ಪ್ರಾಣಾಪಾಯದಿಂದ ಪಾರಾಗಿದ್ದು ಮಗುವಿನ ಬಾಯಿ ಹಾಗೂ ಕೈಕಾಲುಗಳಿಗೆ ಪ್ಲಾಸ್ಟರ್ ಕಟ್ಟಿದ ವಿಡಿಯೋ ವೈರಲ್ ಆಗಿದ್ದು ಹೃದಯ ಕಲಕುವಂತಿದೆ. ಸ್ಥಳಕ್ಕೆ ಐಜೂರು ಪೊಲೀಸರು ಭೇಟಿನೀಡಿದ್ದು ಪರಿಶೀಲನೆ ನಡೆಸುತ್ತಿದ್ದು ಪ್ರಕರಣ ದಾಖಲಿಸಿದ್ದಾರೆ.