ರಾಮನಗರ : ನೀರಿನಲ್ಲಿ ಈಜಲು ತೆರಳಿ ನಿನ್ನೆ ತಾನೇ ಹಾಸನದಲ್ಲಿ ನಾಲ್ವರು ಬಾಲಕರು ಸಾವನಪ್ಪಿದ ಘಟನೆ ಮಾಸುವ ಮೊದಲೇ ಮಂಡ್ಯ ಜಿಲ್ಲೆಯ ರಾಮನಗರ ತಾಲ್ಲೂಕಿನ ಅಚ್ಚಲು ಗ್ರಾಮದ ಬಳಿ ಬಂಡೆಯ ಮೇಲಿನ ಸೊಣೆಯಲ್ಲಿ ಈಜಲು ಹೋಗಿ ಮೂವರು ಯುವಕರು ಸಾವನಪ್ಪಿದ ಘಟನೆ ನಡೆದಿದೆ.
ಶಾಬಾಜ್ (14) ಸುಲ್ತಾನ್ (13) ರಿಹಾನ್ ಖಾನ್ ((16) ಮೃತ ಯುವಕರು.
ಶಾಬಾಜ್ ಹಾಗೂ ರಿಯಾನ್ ಖಾನ್ ಸಹೋದರರಾಗಿದ್ದು ಮೃತರೆಲ್ಲರೂ ರಾಮನಗರ ಟೌನ್ ನ ಸುಲ್ತಾನ್ ನಗರದವರು ಎಂದು ತಿಳಿದುಬಂದಿದೆ. ನಮಾಜ್ ಮುಗಿಸಿ ಈಜು ಹೊಡೆಯಲು 8 ಯುವಕರು ಹೋಗಿದ್ದು 8 ಯುವಕರ ಪೈಕಿ ಮೂರು ಜನ ಸಾವನ್ನಪ್ಪಿದ್ದಾರೆ.
ಮೃತದೇಹ ಹೊರತೆಗೆಯಲು ಅಗ್ನಿಶಾಮಕ ಸಿಬ್ಬಂದಿಗಳು ಸ್ಥಳಕ್ಕೆ ದೌಡಹಿಸಿದ್ದು , ರಾಮನಗರ ಗ್ರಾಮಾಂತರ ಪೋಲಿಸರು ಸ್ಥಳಕ್ಕೆ ಭೇಟಿನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.