ಮೈಸೂರು : ಮೊಬೈಲ್‌ನಲ್ಲಿ ಮಗ್ನನಾದ ಸ್ಟೇಷನ್ ಮಾಸ್ಟರ್ ನ ಎಡವಟ್ಟಿನಿಂದಾಗಿ ರೈಲು ಹಳಿ ದಾಟಲು ಮುಂದಾದ ಆಟೋಗೆ ರೈಲು ಡಿಕ್ಕಿ ಹೊಡೆದ ಘಟನೆ ಮೈಸೂರು ಜಿಲ್ಲೆಯ ಇಲವಾಲ ಹೋಬಳಿಯ ಮಲ್ಲೇಗೌಡನ ಕೊಪ್ಪಲು ಗ್ರಾಮದ ರೈಲ್ವೆ ಗೇಟ್ ಬಳಿ ನಡೆದಿದೆ.
ಮೊಬೈಲ್ ನೋಡುತ್ತಾ ಗೇಟ್ ಹಾಕಲು ಮೈಮರೆತ ಸ್ಟೇಷನ್ ಮಾಸ್ಟರ್ ನ ಯಡವಟ್ಟಿಗೆ ಸಾರ್ವಜನಿಕರು ಕಂಗಾಲಾಗಿದ್ದಾರೆ. ರೈಲು ಬರುವುದನ್ನೇ ಮರೆತು ಮೊಬೈಲ್ ನೋಡುತ್ತಾ ಕುಳಿತಿದ್ದ ಗೇಟ್ ಮಾಸ್ಟರ್ ತಪ್ಪಿನಿಂದಾಗಿ ವಿಷಯ ಅರಿಯದೆ ರಸ್ತೆ ದಾಟಲು ಆಟೋ ಚಾಲಕ ಯತ್ನಿಸಿದ್ದಾನೆ ಗೇಟ್ ಹಾಕದ ಹಿನ್ನಲೆ ದಸರಾ-ಅರಸೀಕೆರೆ ಸ್ಪೆಷಲ್ ರೈಲಿಗೆ ಆಟೋ ಸಿಲುಕಿದ್ದು ಆಟೋ ಚಾಲಕ ಹಾಗೂ ಇಬ್ಬರು ಮಕ್ಕಳಿಗೆ ರೈಲು ಡಿಕ್ಕಿ ಹೊಡೆದಿದೆ.ರೈಲು ಗುದ್ದಿದ ರಭಸಕ್ಕೆ ವಾಹನ ಜಖಂಗೊಂಡಿದ್ದು ತಂದೆ ಹಾಗೂ 9 ವರ್ಷ,5 ವರ್ಷದ ಮಗುವಿಗೆ ಗಂಭೀರ ಗಾಯಗೊಂಡಿದೆ. ಗೇಟ್ ಮಾಸ್ಟರ್ ನ ಅಜಾಗರೂಕತೆಗೆ ಗ್ರಾಮಸ್ಥರು ರೈಲನ್ನು ತಡೆದು ಪ್ರತಿಭಟನೆ ನಡೆಸಿದ್ದಾರೆ.