ಮಂಗಳೂರು : ಕದ್ರಿ ಶ್ರೀ ಮಂಜುನಾಥ ದೇವಸ್ಥಾನದಲ್ಲಿ ಸೆಪ್ಟೆಂಬರ್ 6, ಬುಧವಾರ ಜನ್ಮಾಷ್ಟಮಿ ಆಚರಣೆಯ ಸಂದರ್ಭದಲ್ಲಿ ಪುಟ್ಟ ಕೃಷ್ಣರ ಲೋಕವದು. ಈ ಕಾರ್ಯಕ್ರಮವು ವಾರ್ಷಿಕ ಶ್ರೀ ಕೃಷ್ಣ ವೇಷ ಸ್ಪರ್ಧೆಯಾಗಿತ್ತು.
ಏಳು ವೇದಿಕೆಗಳಲ್ಲಿ ಏಕಕಾಲದಲ್ಲಿ 41 ವಿಭಾಗಗಳಲ್ಲಿ ಈವೆಂಟ್ ನಡೆಯಿತು. ತೊಟ್ಟಿಲ ಕೃಷ್ಣ, ಕಂದ ಕೃಷ್ಣ, ಮುದ್ದು ಕೃಷ್ಣ, ತುಂಟ ಕೃಷ್ಣ, ಬಾಲಕೃಷ್ಣ, ಕಿಶೋರ ಕೃಷ್ಣ, ಶ್ರೀ ಕೃಷ್ಣ, ಗೀತಾ ಕೃಷ್ಣ, ಶಂಕನಾದ, ಶಂಕ ಉದ್ಘೋಷ, ರಾಧಾಕೃಷ್ಣ, ರಾಧಾಮಾದವ, ಯಶೋದಾ ಕೃಷ್ಣ, ದೇವಕಿ ಕೃಷ್ಣ, ವಾಸುದೇವ ಕೃಷ್ಣ (ಮುಕ್ತ ವಿಭಾಗ), ಯಕ್ಷ ಕೃಷ್ಣ ಸೇರಿದಂತೆ ವಿವಿಧ ಕಾರ್ಯಕ್ರಮಗಳು , ನಂದಗೋಕುಲ (ಗುಂಪು ವಿಭಾಗ), ಛಾಯಾ ಕೃಷ್ಣ, ಶ್ರೀ ಕೃಷ್ಣ ವರ್ಣ ವೈಭವ- ಚಿತ್ರಕಲಾ ಸ್ಪರ್ಧೆ, ಅಚ್ಯುತ ರಸಪ್ರಶ್ನೆ- ಲಿಖಿತ, ಮಾಧವ ರಸಪ್ರಶ್ನೆ, ಕೇಶವ ರಸಪ್ರಶ್ನೆ, ಕೃಷ್ಣ ಕವನ, ಕೃಷ್ಣ ಗೀತೆ ಸ್ಪರ್ಧೆಗಳು ನಡೆದವು.
