ಬೆಂಗಳೂರು : ಈ ವರ್ಷದಲ್ಲಿ ಇಲ್ಲಿಯವರೆಗೆ 61,049 ಮಹಿಳಾ ಸರ್ಕಾರಿ ನೌಕರರು, ಅಂದರೆ ಶೇ.13.6ರಷ್ಟು ಮಂದಿ ಮಾತ್ರ ಋತುಚಕ್ರ ಮಾಸಿಕ ರಜೆಯನ್ನು ಪಡೆದುಕೊಂಡಿದ್ದಾರೆ ಎಂದು ಇ-ಗವರ್ನನ್ಸ್ ಇಲಾಖೆ ಮಾಹಿತಿ ನೀಡಿದೆ. ಈ ಅಂಕಿ-ಅಂಶ ಗಳು ಡಿಜಿಟಲ್ ವ್ಯವಸ್ಥೆಯ ಸೀಮಿತ ವ್ಯಾಪ್ತಿಯನ್ನು ಪ್ರತಿಬಿಂಬಿಸುತ್ತವೆ ಎAದು ಅಧಿಕಾರಿಗಳು ತಿಳಿಸಿದ್ದಾರೆ.
ಈ ದತ್ತಾಂಶವು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಹಾಗೂ ಶಿಕ್ಷಣ ಇಲಾಖೆಯ ನೌಕರರಿಗೆ ಸಂಬAಧಿಸಿದೆ. ಕರ್ನಾಟಕ ಅಡ್ವಾನ್ಸ್ ಅಟೆಂಡೆನ್ಸ್ ಮ್ಯಾನೇಜ್ಮೆಂಟ್ ಸಿಸ್ಟಂ ಅಥವಾ ಕರ್ತವ್ಯ ಆಪ್ ಮೂಲಕ ಹಾಜರಾತಿಯಾದ ನೌಕರರ ಮಾಹಿತಿ ದಾಖಲಾಗಿದೆ. ರಾಜ್ಯ ಸರ್ಕಾರಿ ಮಹಿಳಾ ನೌಕರರ ಸಂಘದ ಅಧ್ಯಕ್ಷೆ ರೋಶಿನಿ ಗೌಡ ಅವರು, ಆ ಸಮಯದಲ್ಲಿ ಇಲಾಖೆಗಳಿಂದ ಆದೇಶದ ಪ್ರತಿಯನ್ನು ಕೇಳಲಾಗುತ್ತಿತ್ತು. ಆದರೆ ಈಗ ಆ ಸಮಸ್ಯೆ ನಿವಾರಣೆಯಾಗಿದೆ ಎಂದು ಹೇಳಿದ್ದಾರೆ.
ಡಿಎಪಿಆರ್ ಆದೇಶ ಹೊರಡಿಸಿದ ನಂತರ, ಸಹೋದ್ಯೋಗಿಗಳಿಂದ ಯಾವುದೇವಿರೋಧ ಕಂಡುಬಂದಿಲ್ಲ ಎಂದು ಸಂಘದ ಸದಸ್ಯರು ತಿಳಿಸಿದ್ದಾರೆ. 12 ದಿನಗಳನ್ನು ನಮ್ಮ ಸಾಮಾನ್ಯ ರಜೆಗೆ ಸೇರಿಸಲಾಗಿದೆ ಮತ್ತು ನಾವು ಅದನ್ನು ವ್ಯವಸ್ಥೆಯ ಮೂಲಕ ಅರ್ಜಿ ಸಲ್ಲಿಸುತ್ತೇವೆ. ಅಧಿಕಾರಿಗಳ ಪ್ರಕಾರ, ಪ್ರಸ್ತುತ ಸಂಖ್ಯೆಗಳು ಸಂಪೂರ್ಣ ಪ್ರತಿನಿಧಿಸುವುದಿಲ್ಲ, ಏಕೆಂದರೆ ಕೆಎಎಎಂಎಸ್ ರಾಜ್ಯದ ಸುಮಾರು 5.5 ಲಕ್ಷ ಸರ್ಕಾರಿ ನೌಕರರಲ್ಲಿ ಕೇವಲ ಶೇ.25ರಷ್ಟು ಮಂದಿಯನ್ನು ಮಾತ್ರ ಒಳಗೊಂಡಿದೆ. ಇ-ಗವರ್ನನ್ಸ್ ಕೇಂದ್ರದ ಸಿಇಒ ಭೂಬಾಲನ್ ಟಿ ಅವರು, ಜನವರಿಯಲ್ಲಿ ಸರ್ಕಾರದ ಆದೇಶದ ನಂತರ ಈ ವ್ಯವಸ್ಥೆಯಲ್ಲಿ ಈ ಸೌಲಭ್ಯವನ್ನು ಜಾರಿಗೆ ತರಲಾಗಿದೆ. ಆರೋಗ್ಯ ಮತ್ತು ಶಿಕ್ಷಣ ಇಲಾಖೆಗಳು ಈ ಯೋಜನೆಯನ್ನು ವೇಗವಾಗಿ ಜಾರಿಗೊಳಿಸಿವೆ, ಇತರ ಇಲಾಖೆಗಳು ನಿಧಾನವಾಗಿ ಅಳವಡಿಸಿಕೊಳ್ಳುತ್ತಿವೆ. ಗೌಪ್ಯತೆ ಸಮಸ್ಯೆಗಳನ್ನು ಪರಿಹರಿಸಲು ಮತ್ತು ಅರ್ಜಿ ಪ್ರಕ್ರಿಯೆಯನ್ನು ಸುಲಭಗೊಳಿಸಲು, ಮಾಸಿಕ ರಜೆಯನ್ನು ಇ-ಆಫೀಸ್ ರಜೆ ನಿರ್ವಹಣಾ ವ್ಯವಸ್ಥೆಯಲ್ಲಿ ಸೇರಿಸುತ್ತಿದೆ. ನಾವು ಇ-ಆಫೀಸ್ ವೇದಿಕೆಯನ್ನು ಮರು ಅಭಿವೃದ್ಧಿಪಡಿಸುತ್ತಿದ್ದೇವೆ ಮತ್ತು ಈ ವೈಶಿಷ್ಟ್ಯವನ್ನು ಶೀಘ್ರದಲ್ಲೇ ಸೇರಿಸಲಾಗುವುದುಎಂದರು.
ಬೆAಗಳೂರು ಹೋಟೆಲ್ ಸಂಘವು ಈ ನೀತಿಯನ್ನು ನ್ಯಾಯಾಲಯದಲ್ಲಿ ಪ್ರಶ್ನಿಸಿದೆ. ವರ್ಷಗಳ ಹಿಂದೆ ಮಹಿಳೆಯರು ಸಮಾನತೆ ಸಾಧಿಸಿದ್ದಾರೆ, ಇಂತಹ ನಿಯಮಗಳು ಹಿಂತೆಗೆದುಕೊಳ್ಳುವAತಾಗಬಹುದು ಮತ್ತು ವ್ಯವಹಾರಗಳಿಗೆ, ವಿಶೇಷವಾಗಿ ಗರಿಷ್ಠ ಸಮಯಗಳಲ್ಲಿ, ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂದು ಸಂಘದ ಗೌರವ ಕಾರ್ಯದರ್ಶಿ ವೀರೇಂದ್ರ ಕಾಮತ್ ತಿಳಿಸಿದ್ದಾರೆ.
ಕಾರ್ಮಿಕ ಇಲಾಖೆಯ ಕಾರ್ಯದರ್ಶಿ ಸಲ್ಮಾ ಫಹೀಮ್ ಅವರು, ಹೈಕೋರ್ಟ್ ಮುಂದಿನ ಆದೇಶದವರೆಗೆ ಉದ್ಯೋಗದಾತರ ವಿರುದ್ಧ ಯಾವುದೇ ಬಲವಂತದ ಕ್ರಮ ಕೈಗೊಳ್ಳಬಾರದು ಎಂದು ನಿರ್ದೇಶಿಸಿದೆ ಎಂದು ತಿಳಿಸಿದ್ದಾರೆ.
