ನ್ಯೂಯಾರ್ಕ್ : ಜಾಗತಿಕ ತಂತ್ರಜ್ಞಾನ ದೈತ್ಯ ಮತ್ತು ಫೇಸ್‌ಬುಕ್‌ನ ಪೋಷಕ ಕಂಪನಿಯಾದ ಮೆಟಾ ಪ್ಲಾಟ್‌ಫಾರ್ಮ್ಸ್ ತನ್ನ ಉದ್ಯೋಗಿಗಳಿಗೆ ಆಘಾತ ನೀಡಿದೆ. ಮತ್ತೊಮ್ಮೆ, ಬೃಹತ್ ಪ್ರಮಾಣದ ಸಂಖ್ಯೆಯಲ್ಲಿ ಉದ್ಯೋಗಿಗಳ ವಜಾಗೊಳಿಸುವಿಕೆಯ ಪ್ರಕ್ರಿಯೆ ನಡೆಯಲಿದೆ.
ವರದಿಗಳ ಪ್ರಕಾರ, ಕಂಪನಿಯು ವಜಾಗೊಳಿಸಲು ಸಿದ್ಧತೆ ನಡೆಸುತ್ತಿರುವ ಸುಮಾರು ೩,೦೦೦ ಉದ್ಯೋಗಿಗಳ ಪಟ್ಟಿಯನ್ನು ಸಿದ್ಧಪಡಿಸಿದೆ. ಕಳೆದ ಶುಕ್ರವಾರ ಆಂತರಿಕ ಜ್ಞಾಪಕ ಪತ್ರದ ಮೂಲಕ ನೌಕರರಿಗೆ ಈ ಬಗ್ಗೆ ತಿಳಿಸಲಾಗಿದೆ, ಇಂದಿನಿAದ ವಜಾಗೊಳಿಸುವ ಪ್ರಕ್ರಿಯೆ ಆರಂಭವಾಗಲಿದೆ ಎಂದು ಅದು ಹೇಳಿದೆ.
ಮೆಟಾ ಇಂಕ್‌ನಲ್ಲಿ ವಜಾಗೊಳಿಸುವ ಮೊದಲು ತನ್ನ ಉದ್ಯೋಗಿಗಳನ್ನು ಸುಮಾರು 5% ರಷ್ಟು ಕಡಿತಗೊಳಿಸಲು ಯೋಜಿಸುತ್ತಿರುವುದಾಗಿ ಕಂಪನಿಯು ಕಳೆದ ತಿಂಗಳು ದೃಢಪಡಿಸಿದೆ ಆದರೆ ಒಟ್ಟು ಉದ್ಯೋಗಿಗಳ ಸಂಖ್ಯೆ ಸುಮಾರು ೩,೦೦೦ ಎಂದು ಹೇಳಲಾಗುತ್ತದೆ.
ಏಷ್ಯಾ, ಆಫ್ರಿಕಾ ಮತ್ತು ಯುರೋಪ್ ಸೇರಿದಂತೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಒಟ್ಟು 12 ದೇಶಗಳಲ್ಲಿ ಈ ವಜಾಗಳು ನಡೆಯಲಿವೆ ಎಂದು ಕಂಪನಿಯ ಮೂಲಗಳು ಬಹಿರಂಗಪಡಿಸಿವೆ. ಉದ್ಯೋಗ ಕಳೆದುಕೊಂಡವರಿಗೆ ಕಂಪನಿಯಿಂದ ಆರ್ಥಿಕ ಮತ್ತು ನೈತಿಕ ಬೆಂಬಲ ಸಿಗಲಿದೆ ಎಂದು ಮಾರ್ಕ್ ಜುಕರ್‌ಬರ್ಗ್ ಹೇಳಿದ್ದಾರೆ. ಮೆಟಾ ಮೂಲಗಳು ಕಂಪನಿಯು ಕಳಪೆ ಪ್ರದರ್ಶನ ನೀಡುವ ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದುಹಾಕುತ್ತಿದೆ ಎಂದು ಹೇಳಿವೆ ಎಂದು ಮಾಧ್ಯಮ ವರದಿಗಳು ವರದಿ ಮಾಡಿವೆ.
ಈ ವರ್ಷ ಮೆಟಾ ಕೃತಕ ಬುದ್ಧಿಮತ್ತೆಗಾಗಿ ಭಾರಿ ಹೂಡಿಕೆ ಯೋಜನೆಗಳನ್ನು ಮಾಡಿದೆ ಎನ್ನಲಾಗಿದೆ ಇದೇ ಕಾರಣಕ್ಕೆ ಹಠಾತ್ ಭಾರಿ ಪ್ರಮಾಣದ ಕೆಲಸ ಕಡಿತವಾಗಿದೆ ಎಂದು ತಂತ್ರಜ್ಞಾನ ಮೂಲಗಳು ಅಂದಾಜಿಸಲಾಗಿದೆ.