ಕಡಬ : ಕಡಬ ಪೊಲೀಸ್ ಠಾಣೆ ವ್ಯಾಪ್ತಿಯ ರೆಂಜಿಲಾಡಿಯಲ್ಲಿ ನವೆಂಬರ್ 6 ರಂದು 9 ನೇ ತರಗತಿಯ ವಿದ್ಯಾರ್ಥಿಯೊಬ್ಬ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ದುರಂತ ಘಟನೆ ನಡೆದಿದೆ.
ಮೃತನನ್ನು ಗಗನ್ ಕುಮಾರ್ (14) ಎಂದು ಗುರುತಿಸಲಾಗಿದೆ, ಈತ ವೃತ್ತಿಯಲ್ಲಿ ಚಾಲಕನಾಗಿರುವ ಮತ್ತು ರೆಂಜಿಲಾಡಿಯ ಖಂಡಿಗ ನಿವಾಸಿ ಲಕ್ಷ್ಮಣ ಗೌಡ ಅವರ ಪುತ್ರ.
ಮೂಲಗಳ ಪ್ರಕಾರ, ನವೆಂಬರ್ 6 ರಂದು ಗಗನ್ ಅವರ ತಂದೆ ಶಾಲೆಗೆ ಭೇಟಿ ನೀಡಿದಾಗ ಮುಖ್ಯೋಪಾದ್ಯಾಯರು ಶೈಕ್ಷಣಿಕ ಸಾಧನೆ ಬಗ್ಗೆ ಅಸಮಾಧಾನ ಹೊರಹಾಕಿದ್ದರು.ಆದರೆ ಬಾಲಕ ಸಂಜೆ ಮನೆಗೆ ಹಿಂದಿರುಗಿದ ಎಂದಿನಂತೆ ಸ್ವಲ್ಪ ಸಮಯ ಆಟವಾಡುತ್ತಿದ್ದನು. ನಂತರ, ತಿಂಡಿ ತಿಂದು ಪುಸ್ತಕಗಳೊಂದಿಗೆ ಅಧ್ಯಯನ ಮಾಡಲು ತಮ್ಮ ಕೋಣೆಗೆ ಹೋಗಿದ್ದನು.
ಹತ್ತು ನಿಮಿಷಗಳ ನಂತರ ಅವರ ತಂದೆ ಕರೆ ಮಾಡಿದಾಗ ಯಾವುದೇ ಪ್ರತಿಕ್ರಿಯೆ ಬಾರದ ಕಾರಣ, ಬಲವಂತವಾಗಿ ಕೋಣೆಯ ಬಾಗಿಲು ತೆರೆದಾಗ ಗಗನ್ ನೇಣು ಬಿಗಿದ ಸ್ಥಿತಿಯಲ್ಲಿ ಕಂಡುಬಂದಿದ್ದಾನೆ . ತಕ್ಷಣ ಅವರನ್ನು ಕೆಳಗಿಳಿಸಿ ಕಡಬ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತು, ಅಲ್ಲಿ ವೈದ್ಯರು ಅವರನ್ನು ಮೃತಪಟ್ಟಿರುವುದಾಗಿ ಘೋಷಿಸಿದರು.ಲಕ್ಷ್ಮಣ್ ಗೌಡ ಅವರು ನೀಡಿದ ದೂರಿನ ಆಧಾರದ ಮೇಲೆ, ಕಡಬ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಈ ಮಗುವಿನ ಸಾವಿಗೆ ಶಾಲೆಯ ಅಧ್ಯಾಪಕರೇ ಕಾರಣ, ಈಗೀಗ ಶಾಲೆಗಳಲ್ಲಿ ಪೇರೆಂಟ್ಸ್ ಮೀಟಿಂಗ್ ಗೆ ಹೆತ್ತವರ ಕರೆಸಿ, ಮಗುವಿನ ಪ್ರಗತಿ ಬಗ್ಗೆ ಅಧ್ಯಾಪಕ, ಅಧ್ಯಾಪಿಕೆಯರ ಎದುರು ಉಗಿದು, ಮಾನಹರಣ ನಡೆಯುತ್ತಿದೆ, ಮಗು ಇನ್ನು ನನ್ನ ಪ್ರೀತಿಯ ತಂದೆ ತಾಯಿನ ಶಿಕ್ಷಕರು ನನ್ನ ಮೇಲೆ ಎತ್ತಿ ಕಟ್ಟಿದ್ದಾರೆ,ನನಗೆ ಉಳಿಗಾಲವಿಲ್ಲಾ ಖಿನ್ನತೆಯಿಂದ, ಸೈಲೆಂಟ್ ಆಗಿ ತಂದೆ ತಾಯಿ ಇನ್ನು ಮೇಲೆ ಸರಿಯಾಗಿ ಅಂಕಗಳು ಬರದಿದ್ದರೆ ಮನೆಯಿಂದ ಹೊರಹಾಕುವುದಾಗಿ ಬೆದರಿಕೆ ಹಾಕಿದಾಗ ಮಗು ಏನು ಮಾಡಿತು, ಇದೇ ಪರಿಸ್ಥಿತಿ ಈ ಪ್ರಕರಣದಲ್ಲಿ ಆಗಿರೋದು, ಇನ್ನಾದರೂ ಮಕ್ಕಳ ಅಂಕ,ಪ್ರಗತಿ ವಿಷಯದಲ್ಲಿ ತೇಜೋವಧೆ ನಿಲ್ಲಿಸಿ, ಮಕ್ಕಳ ಜೀವ ಉಳಿಸಿ ವಿನಮ್ರ ವಿನಂತಿ 😢😢🙏🙏